把早年在金字塔的經歷說一下。
金字塔被「招搖撞騙」幾次心情煩躁了一個上午。
在印度經歷過數月的生活，回港後又回到日常，防騙技術日久生疏，到來金字塔還是被「騙」好幾次，手法層出不窮，入曬局，其實算不算被騙呢，有的我沒付錢但他真是騙了我信任。
1）在金字塔地鐵站一出，找小巴去景區就已經被盯上。兩個人走過來問我們是不是要去金字塔，叫我們走右邊那條路。其中一人說那邊有小巴，只要1.5 埃磅，然後帶我去買水，3磅，他說入到景區要10 磅。
我好奇為何他一直帶我走，他說他是老師，教英文和阿拉伯文，學校在金字塔附近，他也要回去。一路上一直很有禮貌地帶我們過馬路，擋著車子又強調車資只是1磅別給多。
下車後說他的學校名字，叫我們玩完就去找他，教我們阿拉拍文，途中還教了我幾句。一直態度友善英文又好，還說出學校名字，帶我便宜地到達景區，入曬局真是以為他是老師。
直到下車後一直帶路，拐彎進了一間旅行社，問我們喝甚麼呀，feel like home 呀。成個過程演繹得自然又神妙，老師化身旅行社職員。
哦，中了伏。索性問下他幾錢，套餐價280, 350，包駱駝包門票又帶你遊下咁，我同佢講I know the price wor, 公價是門價80，駱駝個半鐘遊一圈40。哦，佢降價降到210，最後150。
旅行社同老師做曬大龍鳳咁，手足舞蹈話好平大家都無得賺，我唔浪費時間起身走人啦，出到門口佢已經啦啦林派人拉左兩隻頭馬過來，一路纏一路跟。又話不是走呢邊呀想騙我回旅行社。最後我發火問：依你唔是老師來架咩？唔洗返學仲係到做咩？成功擊退老師一號。
2）買完飛入場啦，幾個男人已經跟著曬，個袋scan時話我有碌腳架，有個男人好神色凝重，好似好著重安全好嚴格地話腳架要收20磅，買張腳架構飛先可以入，我走了出去，佢愈叫我愈走。
3）騎駱駝，講好了20磅半個鐘拉我去影陣相就回來。友人不騎我自己騎，佢騙說那條路規定遊客不可以走路只可以騎動物，咁一齊騎囉。當然影的過程是不斷催催催影完未，最後問你要完港幣又要埃磅，當我傻之餘我真是傻，錢當然沒多付但我發現原來那條路不用騎動物，大地任我行。
4）行到又熱又攰，沙漠與綠洲之間麻，入去間屋子到避避，有個人好客氣地叫我地坐下啦。
我問佢邊到可以影曬三個金字塔呀？佢帶我走後門話後面。行左幾分鐘去到一D洞穴，佢秒變地鼠咁爬左入去，好身手叫我們落去睇，友人好奇爬下囉，有幅相一間空房乜都無，佢拎左友人手上部相機，攝影師上身不斷叫我地擺pose影相。
爬完山洞我地走lu，都唔係帶我去影到金字塔的位，佢問我拎tips啦，之後好惡兇我趕我走。我問塊地你架？佢拎左張證件出來話自己是金字塔管理員，我話管理員唔會收錢架wor，最後愈來愈兇，我就走了。
5）心情已經燥燥地之有個小朋友，說China is the best country la，格硬塞左不知甚麼東西落我隻手，話是lucky gift。
行開半分鐘等你以為真是送比你，哦又回來。之後佢打開份禮物是塊阿拉伯頭巾，起勢地幫友人包紮個頭，包到隻糉咁話影相啦影相啦，友人想除啦佢走過來禁著，話是lucky 野唔除得。
最後褋褋不休要拎小費，花左一輪功夫，他邊走邊咒罵，應該是甚麼好cheap 呀不得好死的說話啦。
6）離開時個gate封左，有個話自己是government 的人帶我們去爬牆
（佢講到好大件事走秘道犯法咁，但其實是光天白日一秒就爬牆而且好多人爬緊），入到去啦根本不是咩禁區人來人往，佢問我要不要買手信，show左張證件出來問我拎錢，佢話帶左我入來，唔比錢就趕我走。
我話嘩，睇下你後面好多人呀，佢就扮晒野趕走其他人（根本有幾十一百人，唔知佢仲想扮咩禁區管理員）佢交下戲啦嗌左幾句趕人走，無人理佢之餘當地人仲用阿拉伯文鬧返佢趕佢走。此時管理員落荒而逃。
7）入場時有個自稱又是government 的男人（指一指自製的山寨觀光警察路牌）話要睇睇張門票帶我們入場，我就咁比佢睇啦，佢想搶話睇唔到真定假咩號碼，我隊到佢隻眼前面問佢睇唔睇到，佢就好嬲地走了。話說是很多人自稱警察呀管理員呀，拿了你門票再問你要錢贖回門票的。
金字塔區已經夠熱，還要應付層出不窮騙人信任和金錢的人，駱駝人好，管理員government 好，賣野的人又好。應付完一個幾分鐘又另一個過來兜搭，沒完沒了根本讓毫無心情看金字塔，安靜遊覽。
或者埃及呢兩年旅遊業慘淡，1500 萬遊客跌到900 萬，早前保安局定了埃及是紅色旅遊警示，俄羅斯又下令停飛所以埃及航班，其他國家不知道，所以商人會再落力點大龍凰上身，做一輪戲去問你要錢了。
Search